ХӀара шера республике дӀакхухьаш йолча, дикагӀа бола юртбоахам белгалбеча яхьашка хьежарашта дика йовзаш я Пхьиденаькъан Рапиат. 2021-ча шера цу яхьашка котало яьккхар хьинаре къахьегаш йолча Рапиата.

«Хоржамий моттигашка, цӀай долаш санна, безаме я. Цигарча болхлоша де дезар хьалхадоаккхаш, сайна тӀалатта декхар кхоачашдеш, кхадж тассар аз», - дийцар цо.

«Таханара хоржамаш къаьстта лоархӀаме да! Россе кхоане я вай тахан хоржар. Вай массане кхетаде деза, низ бола, ший гӀулакх дика довзаш вола саг хьалхаоттарга хьежжа мара вай мехка хьал тоалургдоацилга», - ишттача дешашца кхадж тоссараш тӀабехаш бар единороссаш.