Илдарха-Гӏалан яхархо, ца доагӏаш, газах 154 эзар сом такха оттаяьй
Илдарха-Гӏалан яхархо, ца доагӏаш, шийна ӏаьдало газах ахча хьатохара леткъар прокуратуре. Прокурорски тӏахьожама болх дӏахьош, гучадаьлар, газа болхлоша диъ шера совгӏа (2022 шера наджгоанцхой беттагара 2026 шера бекарга беттага кхаччалца) цу кхалсага латташ болча боарамах дола ахча хьатехад, бакъда, цун цӏагӏа латтача дика болх беш йолча счётчика тӏа латтача маьхага уж хьажа безам болаш бац.
Цу тайпара цу кхалсагах, ше йоагаяь йоацача газах, 154 эзар сом декхар хьаьрчар.
«Гучадаьнна кхоачамбоацараш нийсдара, Илдарха-Гӏалан прокуратуро газа таронашца ӏалашо яра йолча организаце генеральни кулгалхочун из хьалхадаьккхар.
Иштта газа болхлоша ца доагӏаш хьатеха газах дола декхар цу кхалсага тӏера дӏадаьккхар», - аьлар «Сердало» газетага Гӏалгӏайчен тӏахьожам лоаттабераша.
