Владимирски областерча яхархочунна суд ергья, наркотикаш бахьан долаш
Владимирски областера яхархо суда духьала оттаргья, боккхача боараме наркотикаш яха дохьаж дохкаш леларах. Из хоам тха газетага бир МВД болхлоша.
«Хьалха суд текха йола 39 шу даьнна Владимирски областера яхархо интернете гӀолла гӀалгӀай мехка наркотикаш йохка лаьрхӀа хиннай», - белгалдир республикерча прокуратуре. 2023-ча шера, ахча даккха дагахьа, интернете гӀолла, боккха боарам бола наркотик йохкаргья, аьнна, дийца хиннад цо.
Ӏаьдала болхлоша яхачох, наркотикаш тайп-тайпарча моттигашка Ӏоехкаш, уж яда моттигаш интернете гӀолла дӀаювца езаш, хиннай из, ше мо болча ираз дайнарашка. Наркотик цо дӀалочкъаяьча хӀара моттигах 1500 ахча луш хиннад цун.
ДӀадахача шера бӀаьсти, дӀайилла уллачара мефедрон яха наркотик хьаийцай цо. МВД болхлоша дӀабихьача балхо гучаяьккхар зуламхо. 48 грамм наркотик яьккхар цунгара. МагӀалбик-Шахьара судо тохкаш да из гӀулакх.
Аттача, бӀехача рузкъанца йӀаьхий хила яьллачо шийна боагӀа бехк бизза токхаргба.
