Магӏалбика вахархо лаьцар цо бувзама оагӏонашка терроризм могаярах
04.12.2025 14:26
Гӏалгӏайчен полице, иштта ФСБ болхлоша хьалаьцар Магӏалбика 22 шу даьнна вахархо. Из бехке ва наха юкъе терроризм могаеш хиларах, яхаш, дийцар «Сердало» газетага бокъонаш лораяра оагӏоно.
«Тохкама болх дӏахьочар яхачох, карарча шера тушола бетта цу зӏамсага цхьан бувзамий оагӏон тӏа ший къамаьл дитар. Говзанчаша гучадаьккхар, цу оагӏон тӏа, дукха ха йоацаш Илдарха-Гӏалий тӏа дӏаваьккха хинна, халкъашта юкъерча терроризма доакъашхо хьаллоацаш дола къамаьл хилар», - аьлар хоамо.
Россе ФСБ тохкама урхаллено 205.2 статьях доагӏаш дола РФ Уголовни кодекса дӏадеххача беса уголовни гӏулакх хьадийллар. Цу сага бехк беш хилар белгалдаьд, мехкара араваргвоацаш.
