Наьсар-Кертера вахархо бехктокхаме эзар, хоаттам боацаш лаьтта хьалацарах
Наьсарен-Шахьара чуйоагӀача Наьсар-Кертен администраце кулгалхочо, республикан Ӏалама министерствос баьча хоамах, цу даькъ тӀарча цхьан вахархочо шийгара, бокъонах ца доагӀаш, лаьтта чулаьцад, из улл кӀалха хий латтача доазон тӀа.
Цига дӀабахача Ӏалам лорадара отдела болхлоша, Наьсарен прокуратуро белгалдир, из лаьтта Наьсар оалача хин йисте уллаш дола юкъара лаьтта долга, из 20 метр доккха долга.
«Цу 0,06 га долча лаьттан чӀагилга тӀа хин йистошка кхаччалца яда гӀишлон материалех хьаяьнна нувхаш, цо таро луц наха 20 метр долча, берда йисте уллача лаьттанна тӀакхача.
Моттигерча вахархочо даьр да РФ КоАП д.1 ст. 8.2 йола административни бокъонаш толхаяр, гонахьара Ӏалам лора ца дар, нувхаш е йоагаяь дӀа ца йоахаш,е яхьа езача дӀа ца хьош йитарах, нах хи тӀа кхача йиш йоацаш битаб, хӀаьта из ший аргӀагӀа законо дӀадехар кхоачаш ца деш хилар да.
Цудухьа, бокъонаш телхаярах, лакхехьа белгалъяьча статьях из саг административни бехктокхаме оза воагӀа, РФ КоАП дӀа ма деххара», - аьлар Ӏалам лорадераша.
