«КТО дӀахьош, шахьаре хинна зе мел да тохкаш ба комиссе болхлой. ЛаьрххӀа дӀабахьа безаш кӀоарга, боккха болх ба из. Вайна эггара лоархӀамегӀдар - бахархой могаш, маьрша хилар, царна чов ца яр», - аьлар вай мехкадас Келаматанаькъан Махьмуд-Ӏаьлас, бахархошта новкъостал дарах дувцаш.

Психолога гӀо эшаш дола бераши боккхийбараши лорашка чакхбоахаш латт. Къаьстта йоккха терко тӀайохийт Ӏаьдала, дегӀа могашал эшаеннарашта. Мехкадас ше тӀахьожам лоаттабеш, дӀахьош латт из болх.

Шахьара хьакимашта тӀадиллад, дохадаьча Осканаькъан Сулумбика цӀерах болча урама №25 йолча цӀен бахархошца бӀарччача дийнахьа бувзам лоаттабе, аьнна.