Шоай лоӀамагӀа эскаре бахарах, дийцар МагӀалбикерча бахархошка
21.08.2024 09:15
Гуйран ха хьаотташ, эскаре баха кийчо е езарах, иштта шоай лоӀамагӀа тӀема декхараш кхоачашде бахарах дийцар МагӀалбикерча администраце дӀайихьача кхетаче.
«Кхетаче дийцар, шоай лоӀамагӀа тӀема операце декхараш кхоачашде ухарашта Ӏаьдало лоаттадеча новкъосталах, иштта цар цӀагӀарча наьха хьашташ кхоачашдеш дӀахьоча балхах. ТӀема комиссариата болхлочо жоп делар хӀаране хаттарашта, ма дарра доаржадеш, дийцар цу оагӀонцарча декхарех», - из хоам бир «Сердало» газетага МагӀалбикерча администраце болхлоша.
Бахархой довза безам бола хӀамаш дар кхетаче дийцараш, хӀаьта шахьара администраце иштта йола кхетаченаш каст-каста дӀакхухьаш болх лоаттабу нахаца.
