Наьсарен ЖКХ дӀахохьош я, шахьаре лостам бу болх
06.02.2025 21:42
Наьсарен ЖКХ дика къахьегаш я; шахьара еррига миӀингаш чулоацаш, кхыметтел дӀакхача атта доаца урамаш а цу юкъе долаш; тоаеш, цӀенъеш, цига лостамаш деш. Из хоам газетага бир цигарча Ӏаьдала зарбан болх лелабераша.
«Говзанчаша чулоац деррига наьха дехараш, хьашташ, къаьстта дола доазонаш тоадара. Уж балхаш дӀадахьара юкъеяьккхай лаьрххӀа йола техника, иштта кулгашца а ду балхаш», - йоах хоамо.
Тахан къахьегаш ба Тангиева урам тӀа, цига дукха ха йоацаш хилар Оздой Руслан, из кхыча урамашкара хьал миштад а хьежар. Цунца цхьана гаьнаш йоӀаш дола балхаш дӀахьу, керда зизаш дӀадера йола моттигаш а тоаеш латт.
