Безамах, цхьоалах, дезалах йола спектакль гойтаргья республике
17.04.2024 10:43
Республикерча ашарий-драматически театре кхоана, ломма гойтаргья безамах, цхьоалах, дезалах дувцаш йола, Федерико Гарсия Лоркас язъяьча пьесах оттаяь «Бернардо Альбий цӀа» яха спектакль. Из хоам «Сердалога» бир моттигерча кабмино.
«Спектакль боккъонца хиннача хӀамах оттаяь я. Безам, цхьоал, дезал бувцаш йолча спектакло гойт, мел дукха хӀама такха низ болаш я кхалсаг ше цхьаь», - йоах тхогарча хоамо.
Актёраша гулбеннарашта гойтаргда, сихонца лаьрхӀача хӀаманца, мел чӀоагӀа халачадаккха йиш я сага ший вахар.
Иштта йолча спектаклаша хьажархошта гойт, хӀара саг шийна дагадехачун, лаьрхӀачун кӀоарга уйла еш хила везилга, ший санна гонахьарча наьха а уйла еш, цар ираз лорадеш хила везилга.
