«Лаьттан юкъ-моттигаш дIа-хьа нийсъярах долча» ГIалгIай Республика Закона 201  статьяйна хувцам юкъебахьара  хьакъехьа 

ТIаийцад

    ГIалгIай Республика

Халкъа Гуллама                                                2025 шера ардара бетта 28 ди

Статья 1 

«Лаьттан юкъ-моттигаш дIа-хьа нийсъярах долча», 2007 шера оагIой бетта 14 дийнахьарча, №50-РЗ йолча ГIалгIай Республика Закона (газет «Сердало», 2007 шера оагIой бетта 22 ди; 2009 шера оагIой бетта 15 ди;  газет «ГIалгIайче», 2010 шера аьтинга бетта 17 ди; газет «Сердало», 2011 шера наджгоанцхой бетта 15 ди; газет «ГIалгIайче», 2011 шера ардара  бетта 6 ди; 2013 шера лайчилла бетта 7 ди; 2014 шера лайчилла бетта 8 ди; Официальни бокъон хоама интернет-портал (www.pravo.gov.ru), 2015 шера аьтинга бетта 1 ди; 2016 шера маьтсела бетта 6 ди, аьтинга бетта 2 ди; газет «ГIалгIайче», 2016 шера лайчилла бетта 29 ди; интернет-газет «ГIалгIайче», (www.gazetaingush.ru), 2018 шера оагIой бетта 29 ди; 2019 шера лайчилла бетта 5 ди; Официальни бокъон хоама интернет-портал  (www.pravo.gov.ru), 2020 шера бекарга бетта 3 ди; 2022 шера кIимарса бетта 15 ди; интернет-газет «ГIалгIайче» (www.gazetaingush.ru), 2023 шера бекарга бетта 7 ди; 2024 шера кIимарса бетта 19 ди; 2025 шера бекарга бетта 10 ди) 201 статьяй 31 даькъа юкъехьо хувцам Iобелгалъяьча редакце из дIа а язъеш:

«31. Нах чубахача фусамий хьакъехьа йола инвестиционный проект (дукха квартираш йола фусамий комплекс, дукха квартираш йола цIа)  боккхача боараме  инвестиционни проект хилар тешал ду цхьан ханачухь Iобелгалдаьча куцашта нийса хилча:

1) инвестиционни проект нийса я Iобелгалдаьча хьалех цхьаннеца:

а)   проект  белгалъяьккхай инвестораи ГIалгIай Республика

инвестиционни политиках йолча викал яьча органаи юкъе  инвестиционни барт барца, инвестицей боарам кIезигах а болаш:

 1,5 миллиард сомал кIезигах доацаш  муниципальни  образованей «Городской округ город Магас» е «Городской округ город Назрань» доазонаш тIа кхоачашъеча проекташта;

700 миллион сомал кIезигах доацаш ГIалгIай Республика кхыйолча муниципальни образованей доазонаш тIа кхоачашъеча проекташта;

б)  проект кхоачашъяро белгалду арендах хьаийцача лаьттан даькъа тIа нах баха  фусамий объект хьалъяр а эксплуатаце дIаялар а ма тарлу кIезигах нах чубахара фусамий  юкъара моттигаш кIезигах йолаш хилар:

30000 квадратни метрал кIезигах йоацаш муниципальни  образованей «Городской округ город Магас» е «Городской округ город Назрань» доазонаш тIа кхоачашъеча проекташта;

10000 квадратни метрал кIезигах йоацаш, ГIалгIай Республика кхыйолча муниципальни образованей доазонаш тIа кхоачашъеча проекташта;

2)  укх даькъа 1 пункте белгалдаьча хьалашта нийса йола инвестиционни проект кхоачашъяра,  паччахьалкхен е муниципальни доалахьа дола лаьттан дакъа арендах дIалу тергаш ца а оттаеш, нагахьа санна инвесторо  декхараш тIаэце ГIалгIай Республика  а (е) муниципальни доалахьа проект кхоачашъяь яьлча нах чубаха  фусамаш дIалургхиларах укх боараме: 

а) нах чубахача фусамий объекта юкъарча моттигах 4 процентал кIезигах йоаца  моттигаш луш – 4 миллиард сомал кIезигах мах болча проектий хьакъехьа;

б) нах чубахача фусамий объекта юкъарча моттигах 2 процентал кIезигах йоаца  моттигаш луш – 4 миллиард сом а кхы дукхагIа а мах болча проектий хьакъехьа.

Укх даькъа 2 пункта «а»,  «б» подпункташка белгалъяьха, нах чубаха фусамаш дIалу, инвестораи ГIалгIай Республика инвестиционни политиках викал яьча органаи юкъе барт бар оттадаь хинна, инвестиционни проект кхоачашъяь цхьа бутт боалача ханал тIехьа а ца доаккхаш.».

Статья 2

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

          Мехкда                                            Келаматнаькъан М.М.

        г. Магас

2025 шера «11» ди лайчилла бетта 

        №32-рз