ГIалгIай Республике креативни (кхоллама) индустреш дегIакхувлара хьакъехьа

ТIаийцад

ГIалгIай Республика

Халкъа Гуллама                                 2025 шера лайчилла бетта 27 ди

Статья 1. Укх Законо дIа-хьа нийсду предмет

Укх Законо «Российски Федераце креативни (кхоллама) индустреш дегIакхувларах долча» 2024 шера маьцхалий бетта 8 дийнахьарча №330-ФЗ йолча Федеральни законаца (дIахо – Федеральни закон) ГIалгIай Республике дIа-хьа нийсду креативни (кхоллама) индустрей даькъе дола къаьста дешаш (дIахо – креативни индустри), иштта ГIалгIай Республика паччахьалкхен Iаьдала органий креативни индустрей даькъе йола полномочеш а белгалъю.

Статья 2. Креативни индустрей даькъе бокъон дIа-хьа нийсдар

Креативни индустрей даькъе бокъон дIа-хьа нийсдар латташ да Российски Федераце Конституце, ГIалгIай Республика Конституце лардаш тIа, кхоачашъю Федеральни законаца, кхыдолча федеральни законашца, Российски Федераце кхыйолча боарама бокъон акташца, укх Законаца, ГIалгIай Республика кхыдолча законашца а ГIалгIай Республика кхыйолча боарама бокъон акташца а нийса.

Статья 3. Укх Законе пайда эца керттера кхетамаш

Укх Законе пайда эца керттера кхетамаш пайда эцаш леладу, Федеральни законе пайда эца маIанаш долаш.

Статья 4. ГIалгIай Республика креативни индустрей хьакъехьа йолча паччахьалкхен Iаьдала органий полномочеш

1. ГIалгIай Республика Халкъа Гуллама креативни индустрей хьакъехьа йола полномочешца лоархIаш да:

1) креативни индустрей хьакъехьа йола юкъ-моттигаш законодательни дIа-хьа нийсъяр;

2) ГIалгIай Республика креативни индустрей хьакъехьа дола законаш кхоачашдара тIахьожам лоаттабар;

3) Российски Федераце законодательствос а ГIалгIай Республика законодательствос белгалъяь кхыйола полномочеш кхоачашъяр.

2. ГIалгIай Республика Правительства креативни индустрей хьакъехьа йолча полномочешца лоархIаш да:

1) креативни индустрей хьакъехьа йола ГIалгIай Республика кхоачашдара Iаьдала орган белгалъяккхар (дIахо – уполномоченни орган);

2) ГIалгIай Республике къахьегаш йолча креативни индустрей субъектий реестр вIашагIйоллара а из лелаяра а аргIа дIаоттаяр, цу даькъе цу белгалъяьча реестре креативни индустрейх дола сведенеш юкъедахьареи юкъера дIадахареи аргIа оттаяр;

3) физически лицаш, юридически лицаши индивидуальни предпринимателаши креативни индустрей субъекташца лархIара критереш оттаяр;

4) физически лицаш, юридически лицаши индивидуальни предпринимателаши креативни индустрей субъекташта нийса хилар тешал дара аргIа оттаяр, укх даькъа 3 пунктаца нийса отта ма дарра;

5) ГIалгIай Республике приоритетни креативни индустрей критереш белгалъяр оттадар;

6) ГIалгIай Республика Правительства официальни сайта тIа хоам бара-телекоммуникационни сете «Интернет» ГIалгIай Республике креативни индустреш хьаллацара инфраструктурах дола сведенеш оттадара аргIах, цу даькъе цу тайпарча сведеней оттам дIачIоагIбар, Российски Федераце субъекташка креативни индустреш хьаллацарах долча сведеней типовой оттама терко а еш, Федеральни закона 4 статьяй 2 даькъа 4 пунктаца дIачIоагIдаь а долаш цу тайпара сведенеши иштта белгалъяьча сайта тIа Федеральни закона 14 статьяй 2 даькъе белгалбаь хоам оттабара аргIа а;

7) ГIалгIай Республике креативни индустреш хьаллацара инфраструктураца лоархIа ГIалгIай Республика рузкъа белгалдар;

8) ГIалгIай Республике креативни кластер вIашагIйоллача пайда эцаш дола ГIалгIай Республика рузкъа белгалдар;

9) креативни индустрей даькъе полномочеш кхоачашъяра йола организацеш вIашагIйохкар;

10) креативни индустрей даькъе кхыйола полномочеш кхоачашъяр Российски Федераце законодательствоца а ГIалгIай Республика законодательствоца а нийса.

3. Креативни индустрей хьакъехьа йолча уполномоченни органа полномочешца лоархIаш да:

1) физически лицаш, юридически лицаши индивидуальни предпринимателаши ГIалгIай Республика Правительствос креативни индустрей субъекташта оттаяьча критерешта нийса хилара тешалца бакъдар;

2) ГIалгIай Республике къахьегача креативни индустрей субъектий реестр вIашагIйоллари лелаяри;

3) доазув креативни индустрей кластера критерешта нийса хилар бакъдар, кхоачашдар Федеральни закона 4 статьяй 1 даькъа 3 пунктаца оттаяьча аргIанца нийса;

4) ГIалгIай Республика креативни индустрей приоритетни перечень вIашагIйоллар, ГIалгIай Республика креативни индустрей приоритетни критерей ларда тIа ГIалгIай Республика Правительствос отта ма дарра;

5) креативни индустрей даькъе кхыйола полномочеш кхоачашъяр Российски Федераце законодательствоца а ГIалгIай Республика законодательствоца а нийса.

4. ГIалгIай Республика Правительствос е уполномочени органо креативни индустрей даькъе полномочеш кхоачашъяра декхарашта могаду консультационни а (е) экспертни а органаш вIашагIйохкар.

Статья 5. ГIалг1ай Республике къахьегача креативни индустрей субъектий реестр

1. Креативни индустрей субъектех дола сведенеш юкъехьу ГIалгIай Республике къахьегача креативни индустрей субъектий реестра ГIалгIай Республика Правительствос оттаяьча аргIанца нийса.

2. ГIалгIай Республике къахьегача креативни индустрей субъектий реестра юкъехьоча креативни индустрей субъектех долча сведеней оттам белгалбу Федеральни законаца нийса.

3. ГIалгIай Республике къахьегача креативни индустрей субъектий реестра юкъе дола сведенеш юкъехьу креативни индустрей субъектех долча сведеней цаI йолча реестре, Федеральни закона 4 статьяй 1 даькъа 2 пунктаца нийса.

Статья 6. Креативни индустрешта га-лоадам бара инфраструктура

1. Креативни индустрешта га-лоадам бара инфраструктура белгалъю Федеральни законаца нийса.

2. ГIалгIай Республике креативни индустрешта га-лоадам бара инфраструктурах дола сведенеш оттаду ГIалгIай Республика Правительства официальни сайта тIа хоам бара-телекоммуникационни сете «Интернет», укх Закона 4 статьяй 2 даькъа 6 пункте белгалъяьча аргIанца нийса;

3. ГIалгIай Республике креативни индустрешта га-лоадам бара инфраструктурах дола сведенеш дIадохьийт креативни экономика хьакъехьа паччахьалкхен политика лелаяра а боарама-бокъон дIа-хьа нийсъяра йолча уполномоченни йолча федеральни кхоачашдара Iаьдала органага, цу белгалъяьча органо оттаяьча аргIанца нийса.

Статья 7. Креативни индустрей хьакъехьа паччахьалкхен га-лоадам бара

1. Креативни индустрей субъекташ дегIакхувлара хьалаш оттадара, креативни индустрей субъектий реестре чуйихьача, ГIалгIай Республике къахьегача а Федеральни закона 10 статьяйца оттадаьча хьалашта мегаш нийса йолча а креативни индустрей субъекташта могаду паччахьалкхен га-лоадам бар ГIалгIай Республика законашца а кхыйолча боарама бокъон акташца а нийса.

2. Креативни индустрей хьакъехьа паччахьалкхен га-лоадам бара могаду креативни индустрей субъекташта финансови, рузкъан, дешара, хоам бара а кхыча тайпара а га-лоадам беш Федеральни закона 11 – 14 статьяшца нийса.

3. Креативни продукт хьаеш, чурча а арарча а рынкашка дIайохьийташ, дIа-хьа йоаржаеш а (е) маьхала йоаккхаш а, интеллектуальни къахьегама чаккхенаш хьаеш дIабахача маьха боарамах а дола сведенеш, иштта креативни продукт дIа-хьа йоаржаеш а (е) креативни продукт маьхала йоаккхаш а баьннача пайдах дола сведенеш а интеллектуальни къахьегама чаккхенашта бокъон доал дарах баьннача пайдахи индивидуализаце средстваехи дола сведенеш, цу даькъе рузкъан куцаш дола маьхала дахарах, царца цу тайпара чаккхенаши средстваши долаш креативни индустрей субъекташа хьалуш дола, шоашта финансови а (е) рузкъан новкъостал кхаьча креативни индустрей хьакъехьа, ГIалгIай Республике къахьегаш йолча креативни индустрей реестре чуоттаю Федеральни закона 15 статьяйца нийса.

Статья 8. Ер Закон низаца чIоагIдалар

Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.

ГIалгIай Республика

Мехкдаь декхараш кхоачашдер                               Сластенин В.В.

г. Магас

2025 шера «5» ди оагIой бетта

№ 37-рз