Шолжа йистошкара 50 гали совгӏа нувхаш гулъйир Эко - хьинардараша
Магасерча Шолжа гонахьарча моттигашка лостам беш хилар тахан экологически болама доакъашхой. «ЭкоПатриот» яха проект хьаллоацаш бараша 50 совгӏа гали нувхаш гулъяь араяьхар цигара. Магасе къахьегама шоатта дӏадахьа гӏо даьраш бар мехкарча эгологен, ӏалама гӏулакхех йолча министерства болхлой, кагирхой гӏулакхех йола Комитет, иштта гӏо деш барий моттиг.
«Къахьегама шоатта дӏадихьар «Россе хиш» яхача, ӏаламах дог лазаш мела бола боккхача мехкара нах хин йистошка лостам бе арабоалаш болча боламга гӏолла. Магасерча болама доакъашхоша хоза барт тайна дӏадихьар из беркате гӏулакх. 50 гали совгӏа тайп-тайпара нувхаш яр цар Шолжа йистошкара гулъяь араяьхараш», - йоах «Сердалога» цу оагӏонцарча министерствера бенача хоамо.
Министерства болхлоша доккха баркал кхайкадир из беркате гӏулакх хьаллаца, ӏалама моттигех дог лазаш хин йистошка лостам бе арабаьннарашта. Мехкарча беркатеча, хозача ӏалама хӏама лорадеш хила деза вай дерригаш!
