Iалам лораду балхаш ду Наьсарен урамашка
09.01.2025 11:09
Экологе хьал лорадеш дола балхаш дIахьош ба Наьсарен урамашка. Царна юкъе ба ТIонганаькъан цIерах бола, хьалха моттигерча Минавтодора доал деш хинна, урам.
Тахан цига болх беш ба шахьарерча ЖКХ болхлой. Новкъарле еш йола гаьнаш йоIаш, наькъа йистош хоттах, демах, нувхех цIенъеш; къахьегаш боахк шахьаре.
Цул совгIа, хIара денна урамашка болх дIахьош лел нув хьекха машинаш. Шахьара мэре белгалдечох, кхыйола машинаш араяьха, массайолча моттигашка лостам беш ба цига.
