Мехкарча культуран гӏулакхех йолча моттига кулгал деш хинна саг дӏалаьцав; 1,5 млн сом ӏаьдала ахча даарах
29.10.2025 10:54
Магӏалбикерча культуран цӏен кулгал деш хиннача сага духьала гӏулакх хьадийллад тахан РФ УК 4-ча даькъа 159 cтатьях (ше балха волча моттиге дукха ахча дуаш зулам дар). Тохкама болхлоша белгалдечох, 2022-ча шера ший гаргара саг балетмейстера моттиге балха оттаваьв цо каьхаташка диллача, бакъда вож цига цхьаккха хӏама деш, болх беш хиннавац.
«Балетмейстер» ва яхача сага хьожадеш хинна алапи ший киса дийхкад кулгалхочо. 1,5 млн сом гаргга зе да цо ӏаьдала даьр. Йиъ шу суд цӏагӏа такха езаш оттавир из, кхаь шера болх бе йиш хургйоацаш чӏоагӏо а оттаяьй цун тӏехьа.
Диа ахча хьатакха оттавир из ӏаьдало, балхара из дӏаваьккхар 2025-ча шерарча саькура бетта. Цу гӏулакхо хьагойт, бокъо йоацаш ахча даар иштта атта дусаргдоацилга.
