«Селхан цхьаькха тамашийна ди дар. «Доцент» оалаш волча Сергея, кхоъ Денала орден я, дерригача гӀалгӀай а эрсий а къаман турпала, аьнна хоам бир...», — белгалдир цӀихезача журналиста, артиллереца беш бола тӀом гойташ. Цига къаьгга хьагуш дар чӀоагӀа могаеш хинна Британе САУ тӀема техника, Россе бӀухоша мишта хӀалакйир.

Цу моттиге, боккха кӀоаги, цунах дӀаиха аьшка гаргаши мара хӀама йисанзар.

«Саг ва Серега, йиълагӀа орден йоагӀа цунна Денал гойтарах», — аьлар программа дӀахьош хиннача Соловьева, ГӀалгӀайчен эпсара карагӀдаьннар белгалдеш.

Массехк хьалхагӀа иштта кхайкадаьдар Украине дӀахьош йолча лаьрххӀача операце дакъа лоацаш волча Хьоашаланаькъан Султана карагӀдаьннар. Из ва мотострелкови подразделене кулгалхо, подполковник. Денал, майрал гойтарах йиълагӀа орден енний цунна.

Цунца ший хиннача кхетаченах дувцаш, Келаматанаькъан Махьмуд-Ӏаьлас белгалдир цун эхь-эздел.Цунца цхьана хьоахадир лерттӀача дезале из кхеваь хилар, ше ма варра гӀалгӀа волаш, къаман яхь йолаш, саг из хилар.

Дега чӀоагӀа тоам хилар сона цунца къамаьл дарах», — аьлар Мехкадас.