Газах мишта лорабала беза дувц нахага
30.10.2023 12:27
«Газпром» оалача моттигерча болхлоша, иштта Ӏалама наха газацарча кхерамзленах дувц вай бахархошка. «Маьждиге хьаухача нахага, газах боккъал лоралуш хила, хатар хилар кхерам болча хӀаман юстарадаха бераш, яхаш, кхайкарал ду имамаша. Газацарча кхерамзленах дувцаш дола каьхаташ дӀадекъ царна юкъе. Газпрома болхлой ба из болам дӀахьораш. Таханарча дийнахьа, 18 маьждиго хьаллаьцад из гӀулакх», - йоах тхогарча хоамо.
«Дийшача наха цу болама юкъе дакъа лацар чӀоагӀа лоархӀаме да, хӀана аьлча цар дувцачунга наха дикагӀа ладувгӀ. Оаха доккха баркал оал царна, из беркате гӀулакх хьаллаца оттарах», - аьлар «Наьсарера газпром» яхача моттига кулгал деча Лаьнанаькъан Элберда.
