«Вай терко лоаттаеш йолча Запорожски областа Токмака кхален бахархошта гӀо дар вайна лоархӀаме да. Вай царна новкъостал ду бераш деша дахийта, хоарцаяь вахаре эша лоархӀаме гӀишлош хьалъе, тӀайоагӀача шелалга кийчо е. Иштта гуманитарни новкъостал ду, цул совгӀа, тахан халача хьалашка дисача берашта спортивни кийчо ю. Кастлуш цига дӀабохийтаргба лораш, дӀа-юха лелаш йола фельдшерско-акушерски пункташ. Хьалха бе безаш дукха болх ба, бакъда цхьана вай таро хургья из дӀабахьа!»-йоах, ше кхайкарал деш, Келаматанаькъан Махьмуд-Ӏаьлас. Россех керда моттигаш хьакхийтта хилара ди белгалдеш, паччахьалкхен кулгалхочо Путин Владимира арадаьккха амар да. Вай мехка из цӀай хьалхара дездеш да. Белгалдоаккх, кердача моттигий бахархоша шоаш хьагойтар Россех хьакхетарах бола шоай лоӀам, из дар референдум хиннача хана.