ГӀалгӀай къаман
юкъара газет

Кердадараш

Мехкадаьца кхетаче хилар вайцигарча Госдума депутатий

Сенаторий Хамченаькъан Билана, БӀарахой Мухарбика, Паччахьалкхен Дума депутатий Татренаькъан Муслима, БӀарахой Бек-хана кхетаче хилар, ГӀалгӀайчен кулгалхочунца Келаматанаькъан Махьмуд-Ӏаьлаца. Федеральни Гуллама лакхерча, лохерча палатай моттигерча викалашца дийцар республикан Кулгалхочо, гӀалгӀай паччахьалкхен 100 шу дузаш хилара Ди дезде е езача кийчонах. Из хоам бир «Сердало» газетага ГӀалгӀай кулгалхочун, паччахьалкхен зарбан болх лелабераша.

«БӀаь шу дизара цӀай дездергда, доккха цхьанкхетараш дӀахьош, цар дагабохийтаргба бахархошта цу ден лоархӀам. Парламента болх дӀахьош хиларал совгӀа, оаш а дика дакъа лоац республикан вахаре. Из бахьан долаш, аз шоана баркал оал, республикан хьашташ кхоачашде шо массаза кийча хиларах. Вай декхар да 100 шу хьалха республика хьакхоллаш дика дакъа юкъеденарий, берригача цӀихезача гӀалгӀай цӀераш малхаяхар. Из дагалоаттам вайца хила беза даим»,-аьлар Келаматанаькъан Махьмуд-Ӏаьлас, ше парламента депутаташца къамаьл деш. Белгалдаккха деза, тахан ГӀалгӀайче дика къахьегаш я паччахьалкхен лаьрххӀа комисси, цо тайп-тайпарча архивни каьхаташта тохкам а бу, уж гулдеш а ба уж даиман. Комисси кийчъеш я исторически документальни фильмаш хьакхоллара кӀийле.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде