ГӀалгӀайчен миннаца кулгалхо дакъа лоацаш хилар, ТКВО хоржамий болх дӀахьоча
Пятигорске, «Са мохк. Са истори» яхача музея гойтама даькъ тӀа дӀадихьар аргӀанара Тирка эскара гӀазкхий юкъарлон хоржамий дакъа, цига гулбелар тайп-тайпарча гӀазкхий организацей, гуллама викалаш. Цига дийца дош дар гӀазкхашта юкъера бувзам чӀоагӀбар, иштта Тирка эскар дегӀадара бола никъ чӀоагӀбар, цу кхетаче дакъа лоацаш хилар ГӀалгӀайчен миннаца кулгалхо Мизенаькъан Руслан.
«АргӀанара доацача Тирка эскара гӀазкхий юкъарлон хоржамий даькъ тӀа дакъа лоацаш хилар Россе Президента СКФО даькъ тӀа викал ваь Юрий Чайка, Ставрополера губернатор Владимир Владимиров. Кхетаче дӀахьош; паччахьалкхен, боахамий совгӀаташ делар, Россе Донбасс лораеш, тӀема операци дӀахьош болча гӀазкхашта-доакъашхошта.
Гучахьа кхадж тессача, гуш хилар ТВКО керда атаман Пятигорска шахьара Думан депутат, «Терек» яхача бӀун командир Савченко Владимир волга. Доакъашхоша къамаьл дир «Терек» яхача бӀун бӀухошца, тайп-тайпарча мехка моттигашкарча юкъарлоний гӀазкхий атаманашца. ГӀазкхаша дийцар тӀема мугӀарашкара хьал, СВО хьалхашка латтача декхарех», - аьлар Мизенаькъан Руслана «Сердало» газетага.
Хоржамий болх дӀахьош, лаьрхӀар гӀазкхий гуллама юкъера юкъ чӀоагӀъе, цу тӀагӀолла балха декхараш дикагӀа кхоачашде.
