Хьу меттаоттаяра декхараш кхоачашдир республике
09.10.2025 14:57
ГӏалгӀайчено хьу меттаоттаяра лаьрхӀа «Лорае хьу» яхача моттигерча проекта, «Экологе хьал тоадар» яхача къаман проекта чубоагӀаш бола болх чакхбаьккхар.
Болх дӀахьош лелайир ши оагӀув: хьу ше тӏеялара – 105 гектар, керда гаьнаш дӏаер-дӏайогӏар 35 гектар, цига 67 эзар къона га дӀаегӀар. Белгалду, из болх дӀахьош хиларо таро лу хьу дикагӀа дегӀайоалае, иштта экологически, моттигерча наьха вахара хьал тоаде.
Республикан кулгалхочо Келаматанаькъан Махьмуд-Ӏаьлас белгалдир, мехка хьунаш лораяр лоархӀаме долга.
«Россе паччахьалкхено хьаллоацаш хиларах, иштта ГӏалгӀай Республикан Ӏалама тароний, экологе Министерствон говзанчаша шоай болх лерттӀа хьабеш хиларах; вай лораю, меттаоттаю республикан Ӏалама таронаш», - аьлар цо.
