ГӀалгӀай къаман
юкъара газет

Кердадараш

ГIалгIайчен Кулгалхо «ЦаI йола Росси» яхача парте Лакхерча Совете хержав

Келаматанаькъан Махьмуд-Iаьла «ЦаI йола Росси» яхача парте Лакхерча Совета чувоагIаш ва. ГIалгIайчен Кулгалхо единороссий ХХI съезде ший мехка викалашта керте латт, из дIахьош я Москверча ВДНХ «Росси» яхача гойтама майдан тIа, яхаш, дувц «Сердало» газетага ГIалгIайчен Кулгалхочун зарбан болх лелабераша.

«Тхо гулденнад укхаза 2024 шера парте дIабахьа беза болх бувца, из белгалбоал президента хоржамаш хиларца. Укх съезде Россе Президента Путин Владимира кондидатура хьаллацара дош дувцаргда», - аьлар ГIалгIайчен Кулгалхочо.

Мехка кулгалхочо яхачох, цу кхетаче политически керттера хаттараш тохкаргда; лоархIаме, тIема говзала, кадрови хаттараш кхоачашдергда; иштта чIоагIъергья керда федеральни программаш, проекташ. Тха керттера декхар да - хоржамашка дакъа лоацаш волча Путин Владимира тIехьа хилар.

Вай юхадала йиш яц, Росси чIоагIъеш дIахьош болча наькъ тIара. Вай дерригаш а Путина тIехьа да! Вай Россеца да!» -аьлар Келаматанаькъан Махьмуд-Iаьлас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде