Келаматанаькъан Махьмуд-Ӏаьла: хургдар хинна даллалца хьежа везац
Келаматанаькъан Махьмуд-Ӏаьлас дийцар, машинашта бензин а газ а чуювттача станцешка йоал яларах дола хьал мишта латт тохкача боахамашта юкъерча комиссе балхах лаьца. ТӀахьожама болх дӀабихьар Магасерча, Наьсарерча АЗС, ГЗС 37 оалача моттигашка, яхаш, дийцар «Сердало» газетага мехка кулгалхочун зарбан болх лелабераша.
Сона хет, кердача станцей а хӀанз йолаш йолча станцей а болх бокъонаш хила езача беса лелаеш хиларца бувзабенна ба, аьнна, цар лорае еза кхерамзле, иштта наьха бокъонаш. Керттердар - станце болх беш болча наьха, юхе бахача наьха, станце хьабоагӀарий кхерамзле лораеш хилар. Хьежа везац, хургдар хинна даларга», - аьлар ГӀалгӀайчен Кулгалхочо.
Вайна дика ховш да, цу станцешкара болх лоархӀаме а кхераме а болга. Цу даькъ тӀа эшаш йола цхьоагӀо хила еза, шоай доалахьардар бокъонахша дӀадехача беса леладе деза цар даьша. Хьалхарча аргӀагӀа ха дезар да, цу даькъ тӀа АЗС Ӏойиллар нийса дий, тӀехьагӀа цунах зе даргдий, наха кхераме моттиг йий.
Келаматанаькъан Махьмуд-Ӏаьлас доал деча даькъ тӀарча кулгалхой терко тӀаяхийтар, граждански оборона кулгалхой а, чоалханерча гӀулакхий коммиссен кертте латтараш а уж хиларах тарра, нагахьа санна ца йоагӀача заправочни станци Ӏойилла хуле, эггара хьалха уж бехктокхаме озаргхилара.
