«Маьрша бахача наха чуетташ латт даггара. Дукха нах унзарча хьале оттабаьб, царна юкъе бераш да. Доккха зе деш йохаяьй вахара оагӀонцара лоархӀаме моттигаш», - яздир ший телеграм-оагӀон тӀа вай Мехкадас.

Мехка кулгалхочо белгалдир, Россе бӀухой майра духьаллатташ, моастагӀа юхаветташ хьабоагӀаш хилар, Россе доазош дӀалаца ВСУ аьттув хурбоацилгах ше дог тийша волга.

«Беррига мохк гӀетта, моастагӀчо ший фашиста гӀулакх чакхдоаккхаргдоацаш, духьалъоттаргда вай»,- аьлар Мехкадас.

Келаматанаькъан Махьмуд-Ӏаьла цу унзарча гӀулакха юкъе байнарий гаргарча нахаца цар гӀайгӀа екъаш ва, лозабаьраш ма хулла сихагӀа меттабаьхка, маьршача вахарца баха даькъалабийцар цо.

«Царна эшаш мел дола новкъостал де кийча ба вай мохк. Вай паччахьалкхенна тӀадиллад аз, Курски областа паччахьалкхенца бувзаме яьле, малагӀа тайпа гӀо эш хьажа, аьнна»,- тӀатехар Мехкадас.