Паччахьалкхено дӀабихьача балхах дийцар Мехкадас
Республикерча Паччахьалкхено дӀабихьача балхах дувцаш йолча, хӀара шера дӀакхухьача кхетаче, мехка хьалхалаттарий аьттув баьннараш белгалдир мехкадас Келаматанаькъан Махьмуд-Ӏаьлас. Из хоам «Сердалога» бир Халкъа Гуллама зарбан болх лелабераша.
«Республике йоккха, лоархӀаме проекташ йоаржае гӀо деш волча, вахара-экономикан политика хьаллоацача РФ Президента Путин Владимира баркал кхайкадир вай Мехкадас. ЛоархӀамеча гӀулакхех да СВО доакъашхошта, цар дезалашта гӀо лоаттадар; федеральни, региональни программаш йоаржаеш болх чакхбаккхар», - йоах тхога бенача хоамо.
ХьатӀадоагӀача Коталон 80 шу дизара доккхача денца даькъалабийцар гулбеннараш республикан кулгалхочо. Мехкадас белгалдир, истореца лоархӀам лелабе безилга, кхувш латта тӀехье из хьалхадоахаш ураоттае езилга.
