Мехкарча хьуний хьал лертӏа хилар белгалдир цу гӏулакха тӏахьожам бераша
Вай мехкарча хьунашка экологически оагӏонцара болх дӏахьош хилар, хьун боахама доал деш йолча моттига къахьегамхой. Дӏабихьача балхо хьагойтар кхера везаш хӏама доацилга, хьуний хьал лертӏа долга. Ма дарра аьлча, хьун боахамашкара гаьнаш йовш латташ, хьунашта зе деш дола дийнаташ даьржа хӏама дац мехка.
«Сердалога» цу оагӏонцарча министерствон болхлоша беча хоамах, хьуний хьал эшадалар кхера дезаш дац вай карарча хана. Из гӏулакх чӏоагӏа гӏадвугаш да. Хьунашка даьржачул тӏехьа, гаьнашта доккха зе деш дараш боарамал тӏех хоаденна хӏама дац мехкарча моттигашка.
Бакъда, экологашка саготдайташ да кхыдар – мехкарча лоаман моттигашкарча къаьнарча попа хьунашка тӏоадал цахилар, йокъаяла йолаялар. Хьун боахама зе хургдоацаш, хьал талхаргдоацаш, хан-ханнахьа болх дӏахьош, тӏахьожам беш ба мехка.
