Аэропорте, цӀермашиннаькъа вокзале вагӀаш мара, хац цхьаволча шийна аравала бокъо йийхкалга. 2023-ча шера, ХьажцӀа баха кийчбеннача наха юкъе дкха бар, доазол арахьа дӀабаха бокъо йоацараш.

РФ доазол дехьавала лаьрхӀача сага хьалххе дӀатакха деза шийна тӀалатта декхар, хӀана аьлча къоастаяь ха йолаш да из гӀулакх а. Из хӀама юкъедаьккхад, цхьаккха а кхыча тайпара из декхар дӀадала раьза боацарашта духьала. Декхар тӀалаттача сага, из дӀадехараша шоайла цхьа барт баь, из гӀулакх цхьан кога тӀа даьккхача, 24 сахьат далале, цу сага аравала бокъо ехкар тӀера дӀадоаккхш, каьхат оттаду.

Суда пирстопага, судо лаьрхӀар хьагойташ дола каьхат дӀахьокха деза цу сага, цул тӀехьагӀа мара из бокъо ехкар тӀера дӀадаккхац. 

Эггара кӀезигагӀа езе а, цхьа кӀира ха еза сага бокъо юхаметтаоттае. Сихонца дӀадаккха йиш йолаш гӀулакх из доацилга кхетадеш, ханнахьа оарцагӀваьнна, ший гӀулакхага хьажа веза доазол дехьа дӀаваха лаьрхӀа вола саг. Цу оагӀонца дараш довза йиш я:

- Вай республикерча суда пирстопий балха кулгалдеча керттерча сайта оагӀон тӀара https://r06.fssp.gov.ru;

- Госуслуги яхача портале хӀама лохача оагӀон тӀара. «Доазол дехьа аравала бокъо ехкар» аьнна, Ӏочуяздича, цу сахьате хьаотт хьа хьалах дар.

- Телефон дӀатоха йиш я укх номерех 8(8734) 55-19-82, 8(8734)55-19-75. ДӀаваха тахка йиш йола адрес: Республикерча УФССП болх лелабу моттиг. Магас, Кулиева цӀерах бола урам, № 8. Цига дӀавахача, ха йиш я деррига. Шийца паспорт хила деза. 

ГӀалгӀай Республикера Россе УФССП зарбан болх лелабераш.