- Зубейр, фу маӏан да кердадараш юкъедоаладара?

- Хьалхагӏа каьхаташ чулора новкъостал даь даьлча, цхьайолча хана шераш даьлча а. 2027 шера денз, из новкъостал деш хилар хьалххе а чӏоагӏдергда, юххьанцарча деношка денз. Нагахьа санна шу даьнначул тӏехьагӏа а уж унахочунга хьожаш бале, из хӏара шера чӏоагӏде деза. Из каьхат чӏоагӏдаь хила деза цо из хоам баьчул тӏехьагӏа шийтта бутт балале.

- Нагахьа санна со заӏапхо волча сай гаргарча сагага хьажа лаьрхӏа вале, 2027 шера малагӏа каьхаташ чудала деза аз?

 - Ши дехар язде дезаргда. Хьалхардар гӏончас ше язде деза. Шоллагӏдар могашал яйнача сага е лаьрххӏача викало, ше раьза хилар чӏоагӏдеш. Яьнна ха е   заӏапхо хилара малагӏа  группа я шозлагӏа чӏоагӏде дезаш дац, хӏана аьлча беррига хоам Вахара ганзе болаш ба.

- Фу де деза 2026 шера ший даь-наьнага, даь-даьга хьожаш волчо?

 - 2027 шера наджгоанцхой бетта 1-ча денга кхаччалца,  ший лаьрххӏа йола ха я. Из ха чӏоагӏъе бокъо лу 2028 шера, наджгоанцхой бетта 1-ча денга кхаччалца. Цу гӏулакха, шоай дӏаяха ха меттаоттаяра кхы а цхьа шу ха лу. Цул тӏехьагӏа, къаьнара хьал кхы болх беш хургдац; цудухьа, тӏехьа ца тетташ, ший ханнахьа бе безаш болх ба из.

 - Берашка-заӏапхошка, бера хана денз цхьоалагӏча группан заӏапхой долча берашка хьажарах хӏара бетта доагӏа ахчаш хьаийдечар фу де деза?

- Цу наьха берашка хьежаш хилара ха дӏалоархӏаргья  ше-ше, уж тӏехьара тӏа каьхаташ чудала дезаш бац.

 - Хӏара шера ше хьежаш хилар чӏоагӏдеш каьхаташ чудала дезий?

 - Гӏонча декхарийла ва ше хьежаш хилар чӏоагӏде. Хьалхара дехар чуденначул тӏехьагӏа шу далале, гӏонча дехар юхаязде дезаш ва. Нагахьа из цо ца яздойя, из ха лицевой чота тӏа ца хила тарлу, цу тайпара таро хургьяц  пенсионни коэффициенташ цунна дӏаязъе.

- Болх бе могаш воацача сага ше юхадаккха йиш йий шийна деш дола новкъостал?

- Я. Цхьоалагӏча группа заӏапхой, бераш-заӏапхой, 80 шу совгӏа даьнна нах е царна доал дераш бокъо йолаш ба из новкъостал моллагӏча хана юхадаккха. Из де йиш йолаш да кхыметтел телефона гӏонца.

- Нагахьа новкъостал кхы ца деш ӏе лаьрхӏа вале, цох ганзага хоам бе безий са?

- Беза, Вахара ганзе цох хоам бе беза, новкъостал соцадаьчул тӏехьагӏа балха пхе дийнахьа, лаьрххӏа хоам дӏа а бахьийта.

- Мичахьа ваха веза уж каьхаташ чудала, мел чоалхане да из гӏулакх?

- Из хало йолаш хӏама дац. Дехар дӏадала йиш я, оаш гӏо деш вола саг вахача моттигерча СФР  даькъ тӏарча наха гӏулакх деча болхлошка, МФЦ е Госуслуги портала тӏа электронни кепара.

- Сенах ховргда из хьежаш йола ха стажаца йий?

- 2027 шера денз, ганз йолалургья  хьадайтача адехарашка хьежа, из ха дӏалархӏа. Из чӏоагӏду цхьа шу даьлча е хьалхагӏа, нагахьа гӏо ца деш соцадаьдале.

Из хоам гуш хургба цун лицевой чота тӏа. Хоамаш гуш хургда моллагӏча хана а Госуслугашка, чота хьал хьадийхачул тӏехьагӏа (кеп СЗИ-ИЛС), цига язъяьй болх баь ха, баллаш.

- Фу аргдар ӏа Гӏалгӏайчен бахархошка, уж хувцамаш тӏакхоачаш?

- Гаргарча нахага, заӏапхошка хьожаш мел волчунга аргдар аз, из гӏулакх тӏехьа ма даккха. Керда бокъонаш болх бе йолалу 2027 шера наджгоанцхой бетта 1-ча дийнахьа денз, бакъда хьалххе а кийчвала везаь царга. Шоаш хьожаш хилара тешал ду каьхаташ дерригаш гулдаьдий хьажа, шу дӏадоладелча  дӏале дехар, хӏара шера из кердадаккха.

Из я шун хургйолча пенсеца ювзаеннача бокъоний кӏийле, хӏаьта Вахара ганз кийча я шо даим хьаллаца.

Хаттараш дала йиш я мах боацача телефонах: 8 (800) 100-00-01, иштта Гӏалгӏай Республикерча СФР даькъага, боахама лаьрххӏача вахара бувзамашка гӏолла.