- Зубейр, дувцал вайна, СВО доакъашхошта лоаттадеча новкъосталах, къаьстта лорий новкъостал лоаттадарах, санаторе е курорте дарба де йиш хиларах.

 - СВО хинна цӏабаьхка доакъашхой  бокъо йолаш ба шоай могашал меттаоттае санаторе е курорте, Россе Вахара ганза меттаоттавара моттигашка. Човнаш хинна бӀухой таро я лакха говзал йолча лорашка дарба де. Из деш да  СВО доакъашхой ма хулла сихагӀа юха шоай вахарга бахара.

ЛаьрххӀача операце бӀухой меттаоттабара хьал - из массайолча оагӀорахьара лорий новкъостал да. Центрашка, бӀухошта новкъостал лоаттаду лорий а психологически а оагӀорахьа, цун керттера маӀан да царна тӀем тӀа хинна Iоткъам дӀабаккхар, лазарех уж цӏенбар. ЛоархӀаме да, Россе Вахара ганза меттаоттавара центра хьалаш бӀухошта мах боацаш деш хилар.

 - Малав СВО доакъашхоех Вахара ганзага гIолла меттаоттавара центрашка  дарба де ваха бокъо  яр?

 - Из бокъо йолаш ба  тӀема бӀухой, лаьрххӀача операце дакъа лаьца нах, уж цигара цӏабаьхка хилча. Из ду, нагахьа санна лаьрххӀа из цу тайпарча низа моттигашца кхы гӀулакх доацаш хуле. Белгалде лов, Россе доазон тӀа 12 Вахара ганза  меттаоттавара  центр я. Уж я  хозача, экологически цӀенача вай боккхача мехка моттигашка: Астрахане, Владимирски, Волгоградски, Кировски, Кемеровски, Московски, Омски, Саратовски, Томски, Тюменски областашка, иштта  Краснодарски крае, Хакасе Республике.

Ерригача центрашка таханарча заман лазара корта хьалоаца, дарба ду гIирсаш да. Керттердар - укхаза лакха говзал йола лораш ба новкъостал лоаттадеш, цар декхара чудоагӀа деррига лазараш гучадахар, царна дарба дар.

Уж моттигаш мичахьа я, цигара хаоттам миштаб, мехкал (климат) шийна мегаш дий, вахара хьалаш миштад ха йиш йолаш ва моллагӀа цига ваха ловш вар Россе Вахара  ганза лаьрххӀача сайтага гIолла: sfr.gov.ru.

- Малав белгалдер,  СВО доакъашхо санаторе е курорте дарба де ваха везаш ва е вац,  меттаоттавара лорий гIо эшаш вий из?

- Из хоадам бара болх дӀахьор я  бӀухочун дарба деш йола лорий организаци,  санаторе е курорте дарба де дезаш вий из, мел де деза, лорий меттаоттавара новкъостал эшаш вий цар шоаш къоастаду. Цу моттигашка дарба дар 21 денал дукхагӀа дац. Лорий меттаоттавар белгалду лораша могадеш долча дарбанга хьежжа. СВО доакъашхой, нагахьа санна уж Российски Федераце Турпалхой бале, е 1-ча группа заӀапхой бале, бокъо йолаш ба аргӀа йоацаш дарба де.

 Дарба де уж дӏабохийтача хана дӀалоархӀ цар могашал миштай. Нагахьа санна из хьалхагӀа лорашка чакхваьнна хиннавеце, меттаоттавара центра  ше из лорашка чакхвоаккхаргва, цунна доагӀаш дола дарба дергда.

- Бувзам бий шун ГӏалгӀай мехкарча СВО  ветеранашца, меттаоттавара центрашка хиннача нахаца?

Цу тайпара бувзам оаха лелабу. Меттаоттавара центрашка дарба даьча ГӏалгӀайчен СВО бӀухошца даим бувзаме хул тхо. Тха говзанчаша царцара бувзам хоадабаь ха яц, уж цӏабаьхкача а. Из бахьан долаш, тхона ховш хул царна эшар, сиха уж хаттараш кхоачашде а таро хул.

Тха балхаца вӀашагӀделлад лаьрххӀача операце доакъашхошта накъадахара  гIулакх, царна мел эшар Ӏалашдеш. Цу денал долча наха хӀара дийнахьа тхона гойт боккъонца бола низ тешаме хиларца, Даьхе лорае кийча хиларца болга. Оаха тхоай оагӀорахьа тхоашта могар ду царна дика хьалаш хьакхоллара, уж сихагӀа меттаоттабара, шоай массаза хиннача вахарга уж баргболаш. Нагахьа санна ветеран лорашка чакхваланза вале, заӀапхо а из веце, цун малагӀа лазараш да, малагӀа дарба эш хьож меттаоттавара центре.

Санаторе е курорте дарба ду 21 дийнахьа, цун лазарашка хьежжа оттаю меттаоттавара йола ха.

 - Мишта дӀадала деза СВО доакъашхочо меттаоттавара центре дехар, малагӀа каьхаташ эш?

 - Меттаоттавара дехар Госуслуги яхача портале гӀолла чудала йиш я, ГӏалгӀай Республике гӀолла йолча  СФР оагIонга, ерригача наха гIулакх лоаттадеча моттигашка е МФЦ. Дехар  дӀалуш  хила деза,  из саг санаторе е курорте, е меттаоттавара дарба дезаш хилар гойташ дола каьхаташ, иштта из цун могашала новкъа доацаш, могадеш хилара тешал.

Цу моттигашка дарба дара эшаш да каьхаташ:

- лорий соцам;

- санаторе - курорта карта;

070/у йолча кепара справка.

Меттаоттавара эшаш я лорашкара 057/у справка. Нагахьа санна эшаш дола каьхаташ деце, ГӏалгӀай Республике гӀолла йолча  СФР оагIон болхлоша уж шоаш кийчдергда.

 - МалагӀа хувцамаш хьежаш да СВО доакъашхошка 2026 шера?

 - 2026 шера  наджгоанцхой бетта денз, СВО ветеранашта дарба дара хьалаш тӀакхийттад. Ханз цар таро я Соцфонда меттаоттавара  центрашка дӀаболхаш а юхабоагӀаш а  мах боацаш баха. ЛаьрххӀа йола талонаш лу царна, наькъа ахчанца зе хургдоацаш. Талонаш  лу массайолча  транспортаца баха ( цӏермашин, фецара кема, автобус, автомобиль, хи тIара транспорт), из гулакх кийчду дарбанна вӀашагӀтохаш долча  каьхаташца цхьана. СВО доакъашхочун таро я шийна дикагӀа хета оагӀув харжа: дӀа-юха вахара йола талон, е наькъа мах боацаш ваха бокъо луш дола билет. Керда хьал юкъедаккха таро я 2026 шера дехар чудаларца.

СВО ветеранашца хила йиш я уж накъабоахараш а, уж а иштта наькъа мах боацаш баха йиш йолаш ба; цул совгӀа, баха моттиг а  даар а цунна чудоагӀаш.

1-ча тоабан заӀапхо из вале, е лораша оттадаьча лазарах цхьанне накъа ваккха везаш вале, из деррига  деча гIулакхаца дIалоархIаш  да.

- Мишта ха йиш йолаш ба СВО доакъашхой шоашта  паччахьалкхен новкъостал доагIий?

-Нагахьа санна хаттараш нийслойя, шоаш дехар яздеш, цох бола хоам хьабеха мегаргба цаӀ йолча бувзам-центре мах боацаш йолча телефонах: 8 (800) 100-00-01.

Федеральни мугӀаре къахьегаш ба ден-бус, салоӀаш дола ди а доацаш. Моттигера бувзам болх беш ба  9:00 даьлча денз 18:00 даллалца.

Беррига хоам бовза йиш я «ЛаьрххӀача СФР сайта тӀара. Моттигерча даькъе лаьрххӀа йола оагӀув я «ТӀема операце доакъашхошта, цар дезалашта» яхаш, цига  хоадам боллаш дувц уж хьаллацарах долча хьалех.

Цул совгӀа, лоархӀаме хоам го йиш я СФР оагIон аккаунташка, вахара бувзамашка, иштта  ГӏалгӀай Республике гӀолла долча наха гIулакх деча даькъе.