ЧӀоагӀа нувхаш дӀакхувса моттиг хьалъергья
11.11.2023 13:26
Ӏалама Министерствос «Экомтехпроект» ООО боахамца барт баьб, вахара коммунальни балхашкара совйоалаш йола чӀоагӀа нувхаш дӀакхахьара, уж дӀаяхара, лаьттах йохкара бола болх цо бергболаш, яхаш, дувц «Сердало» газетага экологе боахаме.
Цу гӀулакха йола гӀишло хьалъе лерхӀ МагӀалбика кхален даькъ тӀа. 50 гектар лаьтта хӀанз белгалдаьд, из юрташта гаьна доацаш улл, цу тайпара йолча нувхашта лаьрхӀа а да.
«Кердача проекто таро хулийт, лоаттае йиш йоаца нувхаш чакхъяха, уж я 100 тайпара. ЧӀоагӀа нувхаш лаьттах дӀаувш хургйолаш чакхйоахаргья. Из моттиг хьалъе лерхӀ 2025 шера хьалхарча бетташка, цул тӀехьагӀа нувхашца дувзаденна дукха хаттараш кхоачашде таро хургья, увхех хьалдиза латта кхаш а мукъадаргда», - аьлар Ӏалам лорадераша.
