Ӏалама министерство кийчлуш я, 2024 шера цӀи ялара кхерам болча ханага
19.01.2024 15:29
Ӏалама тароний, экологен министра гӀонча Мизенаькъан Микаил, паччахьалкхен хьун боахам лелабара отдела кулгалхо Хазанаькъан Мухьмад дакъа лоацаш хилар, цӀи ялара кхерамзлен Ӏалашо яра йолча федеральни штаба кхетаче. Из дӀайихьар, Рослесхоза кулгалхочун гӀонча Венглинский Алексей керте а волаш. Цох дийцар «Сердало» газетага ГӀалгӀай Республикан Ӏалама министерстваон зарбан болх лелабераша.
Венглинский Алексея моттигашкара викалаш тӀахьийхар, хьатӀайоагӀача, цӀи ялара кхераме йолча ахкан заманга лерттӀа кийчо яра. Цул совгӀа, моттигашкарча Ӏалама министерствон болхлошта тӀадиллар, хьун доакъош дӀаийца, уж леладераш цу гӀулакха иштта дика кийчо яра тӀахьехар.
«Къаьстта терко е еза, цӀи ялара кхерам бола зама латтача юкъа, республикан бахархой сакхетам лакхбе лаьрхӀа болх дӀабахьара. ДӀадахача 2023 шера, ГӀалгӀайчен хьун доакъошка кхыметтел цкъа а цӀи яьнна моттиг нийсъяланзар.
ХьунагӀа цӀи ялара кхерамзленна Ӏалашо миштай хьожаш хилар даим ГӀалгӀайчен хьунашка цӀи йоаеш бола болхлой, иштта Ӏалама министерство», - аьлар Ӏалам лорадара боахаме.
