ГӀалгӀай къаман
юкъара газет

Кердадараш

«Росси» яхача халкъашта юкъерча гойтаме, ший болх бовзийтаргба ГӀалгӀайчен суртанчий музейс

04.11.2023 16:38

«Росси» яхача Москве дӀахьош долча ВДНХ Халкъашта юкъерча кхетаче-хьажаре, ГӀалгӀайче хургья тӀеххьарча шерашка республикан карагӀдаьнна керттердараш гойташ, яхаш, хоам «Сердало» газетага музея зарбан болх лелабераша.

«Ерригача 89 Россе регионо экономике, Ӏилманца, культуре, юртбоахаме, энергетике, промышленносте, гӀишлошъеча, транспорта даькъе шоашта карагӀдоалар гойтаргда», - йоах хоамо. Цул совгӀа, ГӀалгӀайчен хьажар долча даькъ тӀа басарашца даьхкача суртий, графикан, кулгаговзалца кхеллача хIамай, къаман тӀабувхабеча гӀирса хозал гуш хургья, уж хозленаш гойтаргья ИЗО музея болхлоша: Каренаькъан Мухьмада, Башира, Цхьорой Аюпа, Албохчанаькъан Мадинас, Дзараханаькъан Зейнапа, Хамченаькъан Ювсапа, иштта кхычар а. Хьаьшашта хьажар дӀадовзийташ хургья ГӀалгӀай Республикан ИЗО музея керттера болхло Хамхой Мадина, искусствовед КӀориганаькъан Бахьаудин. Хьаьший таро хургья, экспозици йовзарал совгӀа, шоашта ловш дола хаттараш дала а.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде