Экологически боккха тӏахьожам дӏахьоргба Шолжа-хин доазон тӏа
Маьцхали бутт хьаоттарца, Шолжа-хин экологически хьала йоккха терко еш хургба мехка. Хьинардараш, гӏо деш лелараш, иштта кхыбола болхлой арабаргба хи чу начӏаса турбаш ядий хьожаш чакхбала. Хий бӏехдераш боаггӏача боараме бехктокхаме озаргба. Цӏераш йоахаш, маьждигашка кхайкабергба, массанахьа дӏабовзийтаргба; эхь, юхь доацаш; из хӏама леладераш.
«Дукха адам да цу хин юхе хьалкхийнар. Лувчаш, чкъаьрий лувцаш, дезалашца арабаьле ахкан сайренаш дӏакхухьаш баьгӏаб цига нах. Бакъда тахан кхерамеча хьале дийрза латт цу хин гӏулакх. Бӏеха хиш ӏочуухийташ, совъяьнна хӏамаш чукхувсаш, геттара чӏоагӏа бӏехдаьд из хий, эхь яхар фуд ца ховча наха», - йоах «Сердалога» бенача хоамо.
Республике эггара керттера дола хий шоай вахаре эшаш мел йоаца нувхаш, промышленни оагӏонца совдаьннараш чутувсаш толхадаьд тахан. Хьакимаш, тӏахьожама болхлой, ЖКХ, бахархой оарцагӏбаьнна, тоаде дезача кхаьчад из гӏулакх.
