БӀоагӀа тӀара пела - из я тока саьргий балха эшаш йола оатхал, цо чӀоагӀа а тешаме а хулийт токаца беш бола болх. Ток тохаргйоацаш, из нийса харжаро, цун дикало лораю из болх лелабеча болхлой могашал, токацара хьал нийса леладар а цох тийша да. 1 090 оборудовани лаьрхӀай дукха ток хьачуозача тока объекташка, иштта 295- 6-10 кВ даькъ тӀа. Из болх дӀабахьара 2,5 млн сом совгӀа хьожадергда. ЛоархӀамеча балхах ба 600 тишденна пела Ӏоакъингачарца хувцар «Ищерски- Пхьилекъонгий-Юрт» яхача даькъ тӀа. 110 кВ тока лаьрхӀача ЛЭПа Ӏалашду Шолжа шахьара цхьа дакъа, ГӀажарий-Юрт,Чамалха, Алхасте, Берда-Юрт, Аршты, Галашке, Мужече, ДаьттагӀе, Оалкам. Цо лерттӀа болх беш хиларах тийша да 32 эзар сага фусамаш, иштта 54 вахара лоархӀама моттигашка сердал хилар. «Тишденна лалаш йолча хӀамах даь пелаш Ӏоакъингачарца дӀахувцар – аргӀанара эшаш бола болх. Уж эшаш да хӀама тоадара балхаш сихагӀа дӀадахьа таро хургйолаш, дагадоаца хӀама нийслургдоацаш, наха тешшаме ток хургйолаш. Ӏоакъинга пелаш оттадеш хиларо дукха таронаш лу: леладеш аттагӀа, ца дохара чӀоагӀагӀа, йӀовхал дикагӀа ловш, лоталургдоацаш, хий чакх ца доалаш да уж. Цу пела тӀа гуш хул, нагахьа санна из деха хилча», - аьлар «Ингушэнерго» филиала кулгалхочо ТӀоаршхой Рамзана. Уж балхаш де лаьрхӀад 2023 шера технически хьал тоадар, ремонт яр яхача программанна чудоагӀаш. Белгалдоаккх, «Къилбаседа Кавказа Россеташа» карарча шера 146 млн сом хьожадергда ГӀалгӀайчен компанена хӀама тоадара балхаш дӀадахьа. Из, дӀадахача шера хинначул, пхи процент дукхагӀа да.