2026-ча шера 50 км совгIа тока оагIонаш тоаеш болх дIабихьаб «Къилбаседа Кавказа Россеташа»
Укх шерарча бархI бетта «Къилбаседа Кавказа Россетий» «Ингушэнерго» филиала болхлоша 51 км тока оагIоний гIулакх боаггIача боараме меттадоаладеш болх дIабихьар.
Цох лаьца дувцаш, мехкарча Паччахьалкхено «Къилбаседа Кавказа Россетий» оагIон болхлошца кхетаче дIайихьар. Кхетачен кулгал деш хиннар вар мехкарча Паччахьалкхен хьалха латта Сластенин Владимир. Керттерча кулгалхочун гIонча вола Поляков Сергей, керттерча детектора гIонча Хасанов Азамат, иштта «Къилбаседа Кавказа Россеташ» - «Ингушэнерго» филиала кулгалхо Котаганаькъан Кимран бар кхетаче дакъа лоацаш хиннараш.
ВIашагIкхетаре дийцар 35-110 Кв подстанцешка Iан ханага кийчо еш болх дIабахьарах. Ток лоаттаеча моттигашка къахьегаш ба тахан, 2 106 тока бIоагIа тIара пелаш хийцад. Иштта 60 трансформаторни подстанцешта, 34 трансформаторашта кулг тохаш болх чакхбаьккхаб. Цул совгIа, 23 гектар долча доазон тIа хаоттам телхача тока саьргашта новкъарле еш йола гаьнаш, кIотаргаш дIайоахаш баьхкаб.
Белгалде деза, 2026-ча шера «Къилбаседа Кавказа Россеташта» мехкарча ток лоаттаеча моттигашка болх дIабахьа 146, 7 млн сом ахча хьахьожадергда. Кхетаче гулбеннараша дийцар хоржамий деношка массадолча мехкашкарча моттигашка боаггIаче боараме ток хургйолаш, цхьаккха кхоачамбоацараш цу оагIонца нийслургдоацаш, хьалххе кийчо ярах.
Республике болх дIахьош, ийс хоржамий комисси, 142 доазон тIара хоржамий комиссеш я. «Ингушэнерго» филиале хьожаш ба шоай оагIорахьа цхьаккха гIалатло хургйоацаш, хоржамашта новкъарле еш хIама хургдоацаш. Цул совгIа, моллагIа дагадоаца хIама нийсдала тарлуш хиларах, хьалххе кийчо еш ба.
