ГӀалгӀай къаман
юкъара газет

Гаьна уллача юрта, керда тока аьшкасаьргаш чудаьхкар «Къилбаседа Кавказа Россеташа»

03.11.2023 12:17

МагIалбика кхале 6 Кв йола тока лини чуюллаш баьхкар « Къилбаседа Кавказ Россеташ» яхача моттигера болхлой. 4 км йолча тока моттиго, 1981-ча шера денз, сердал лоаттаю Кердача Реданте вахача ялх эзар сага, ишкола, дарбанченна, почтанна.

ХьатIайоагIача Iан шелала духьалъотта кийча я ток луш йола моттиг. 800 метр чулоацача моттигера тишбенна тока аьшкасаьрг хийцаб болхлоша. Керда аьшкасаьрг дуккха дикагIа лоархIаш ба, мел чIоагIа гIор юлле а, талхаш бац. Цул совгIа, болхлоша хийцар 50 шоай ха йиа даьнна «пелаш», тишденна бIоагIий. «ХIара шера дIакхухьаш болх ба из, токаца болх беча наха. 2022-ча шера белгалъяьяр Керда Редант, цигара тока лини хувца еза, аьнна. Таханарча дийнахьа из болх ший боаггIача боараме чакхбаккха аьттув баьлар тха. Ма дарра аьлча, Iан сайренаш сийрда хургья цигарча бахархошта», - яхяш дийцар тха газетага «Ингушэнерго» филиала кулгал деча ТIоаршхой Рамзана. «Дукха уйла яьй аз: хIара сага вахаре хургда-кх цхьацца истори, фусам сийрда лоаттае мел атта дац белгалдеш. Атта дац, бакъда, дега тоам беш да! ХIара дийнахьа доаккхал де дезаш никъ ба оаш хержар. Оаш лелабеча балха хам баь варгвац! Баркал хилда шоана иштта бехктокхаме къахьегарах! АллахIа лорадеш дахалда шо!» - аьлар Кердача Реданта вахархо волча Дзейтанаькъан Темарлана.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде