Укх шера 62% дукхагӀа хургда «Къилбаседа Кавказа россеташ» яхача моттиго тока хьал тоадара вай республиканна хьожаду ахча
ГӀалгӀай мехкара тока гӀулакх тоадара тӀехьа 235,4 млн сом ахча хьахьожадергда укх шера «Къилбаседа Кавказа россеташа». 2023-ча шера хинначул, 62% дукхагӀа да из. Тока хьала тӀахьожам лоаттабеча наха оттаяьча программах, хьахьожадеш да из ахча.
Ток лоаттаю моттигаш хан-ханнахьа боагӀаш бола болх дӀахьош тоаярга хьежжа хургда, республикера тока оагӀонцара хьал. Ток чакхйоала моттигаш, трансформаторни подстанцеш тоаеш, хувца езар хувцаш, ток йола моттигаш новкъарле еча хӀамаех цӀенъеш, болх ба дӀабахьа безар.
Иштта республикерча «Ингушэнерго» яхача моттигий болхлошта довзийтаргда, цӀаьхха токацара хатар ийккхача эггара хьалхарча аргӀагӀа де деза кердадараш.
«Ингушэнерго» филиала тока оагӀонцара балхаш дӀадахьа 2024-ча шера хьахьожадаь ахча 235, 4 млн сомага кхоачаш да, 90 млн сом дукхагӀа да из хӀанз», - белгалдир филиала кулгал деча ТӀоаршхой Рамзана.
«Къилбаседа Кавказа россеташ» яхача оагӀоно боккха болх дӀакхухь, тока оагӀон хьал боаггӀача боараме хилийта гӀерташ.
