ДӀалаьрхӀача, 630 кВА йола 200 трансформатор эццал ахча да из. Наха лаьрхӀа йола ток - ши млн киловатт-сахьат, ворхӀ млн сомага кхоачаш. Болх беча моттигашта - 90% - 20 млн киловатт-сахьат (166 млн сомага кхоачаш). Республике чӀоагӀа даьржа да бокъо йоацаш тока саьргаш дӀачу-хьачу дехкар, договораш цахилар, счётчикаш цаувттаяр, ма дарра аьлча, шоашта ма тов ток лечкъаяр.

«Ток лечкъаяра тӀехьа дӀабихьача балхо хьахьокх, хьалхалаттарех я Шолжа-Шахьар, Шолжа кхала – 134 моттиг. 50% совгӀа киловатт – Наьсаре», - дийцар «Ингушэнерго» филиала кулгал деча ТӀоаршхой Рамзана. Ток лечкъаеш йола моттигаш гучайоахаш, цу наха доаггӀаш дола гӀод детташ бола болх оаха кхы а чӀоагӀбеш дӀахьоргба.

Массайолча моттигашка дӀакхухьаргья рейдаш. Бахархоша кхетаде деза, шоай ханнахьа токах доагӀар дӀадала дезилга, из кхоачашде декхарийла бола гӀулакх долга.

ТӀаккха мара тоалургдац вай тока оагӀонцара хьал». Иштта ток лечкъаяро доккха зуламаш ду, шоай ханнахьа ахча дӀателаш барашта а. Тока кхоачам тоъаш боацаш, токаца лелаеш йола хӀамаш йоаг, йох, боаггӀача боараме сердал таац наха. Цул совгӀа, токацара хӀама талхарах, цӀераш ювлаш дола хатараш а дарж мехка.

Бахархоша кхетаде деза, бокъо йоацаш леладеча хӀамах, бехктокхаме озаргболга; доккха хатар хиннача, гӀулакх суде дӀачулургдолга. Ӏаьдала бокъонца йолча 7.19 статьях, бокъо йоацаш ток дӀаувзаш вагӀачоа тохаш дола гӀод 10 эзар сомагара 15 эзар сомага кхоачаш да, балха моттигашта - 100 эзар сомагара 200 эзар сомага кхоачаш гӀод деттаргда.

Цкъа гучаваьнначул тӀехьагӀа, шозлагӀа а из леладеш волча сага 15 эзар сомагара 30 эзар сомага кхоачаш гӀод токхаргда, балха моттигашкара дӀадоаккхаргдар - 200 эзар сомагара 300 эзар сомага кхоачаш хургда. РФ УК 165 йолча статьях, ток лечкъаеш барашта набахта бахка ши шу ха тох судо.