ГIалгIайчера лаьрххIа йолча операце дакъа лоацаш болча бIухой дезалашта шоай ханнахьа ахча дIалу
«После отъезда мужа и его товарищей в зону СВО наша семья получает обещанные выплаты своевременно. Эти 100 тысяч от республиканских властей являются существенной помощью и поддержкой. Семейный бюджет требует ежедневных расходов, большинство средств уходит на нужды детей, их учебу, еду, лечение, перевозок и так далее», — поделилась с корреспондентом газеты «Сердало» Фатима М. супруга мобилизованного из сельского поселения Плиево.
Республикан Iаьдалгахьара луш дола уж 100 эзар сом, тхона доккха новкъостал хулаш да. Дезалера дIадодаш дола ахча хIара денна тIера ма доалий, дукхагIа из дIалоац берашта эшачо, дешаро, буача кхачо, дарба де дезаш хиларо, дIа-юха водаш хилча, иштта кхы дуккхача хIамаша», — аьлар «Сердало» газетага Пхьилекъонгий-Юрта яхача бIухочун фусам-нанас.
Цо дийцар, амал де тIахьийхча цхьан даькъаца бигача бIухошта луш долча пособех.
«Юххьанца кхераме а хетар, цу гIулакхаца дувзаденнар иштта атта чакхдаргда аьлча тешацар. Цхьабакъда сихха, шоаш аьннача беса, Iаьдало из ахча хьалуш да хIанз. Са дезалашта доагIар сиха хьадера», — аьлар Фатимас.
Моттигера луш дар меттел, Российски Федераце герзашцарча низий Министерствера доагIаш дар а деррига хьадайтад. Цу тайпара, МагIалбике вахаш волча Ахьмада а цхьан бетта 210 сом ахча хьаденнад. Российски эскара сержант цIи йолаш бIухо хиларах, цунна лакхара пособи доагIа.
М.Фатимас яхачох, республикан Iаьдало ший ханнахьа моттигера тела пособеш хьадалара къахьийгад,уж хьаухаш да бIухой гаргарча наха шоай ханнахьа.
ХьалхагIа ГIалгIайчен кулгалхочо белгалдаьдар, «лаьрххIа йола операци дIахьош болча бIухой дезал, укхаза шоай оагIув хьаллаца вай долга ховш хила беза».
