«Эко-зиракаш» яхача хьаькъал гойтача ловзаре дакъа лаьцар вай дешархоша
13.11.2023 21:51
«Эко-зиракаш» яхача, кхетама хьал гойтача ловзаре дакъа лоацаш хилар Наьсарерча №2 йолча ишкола дешархой. «Сердало» газетага из хоам бир ловзар вӀашагӀделлараша.
«Наха гӀо деш лелараша дӀахьош дар из гӀулакх. Йиъ тоаба яр ловзаш. Ӏалам лорадарца, вай мехкарча экологе таханарча хьалаца, Ӏалама зе дерашта духьала леладе дезарашца дувзаденна дар ловзара лаьрхӀа хержа хаттараш. Ловзар йистедаьлча, сертификаташ дӀадийкъар доакъашхошта.
«Иштта дола ловзараш вай берашта чӀоагӀа эшаш да. Каст-каста уж дӀакхухьаш хилча, Ӏаламца дувзаденнараш довзаргда царна. ХӀара сага довза дезаш лоархӀаме хӀамаш да уж», - белгалдир дешархочо ЦӀечой Залинас.
