«Росхьулораяра» говзанчаш Гӏалгӏайчен хьун хьалашка хьожаш ба
Гӏалгӏайче дӏахьош ба хьун экологически, санитарни хьал миштад тохкаш бола болх. «Росхьулораяра» ФБУ республикан филиала говзанчаш - хьун тохкамхой цхьацца йолча моттигашкара хьун хьал миштад хьож. Из болх вӏашагӏбеллар, 2026 шера паччахьалкхено хьалхашка оттадеча декхарашка хьежжа. Говзанчаш хьеж гаьнаш миштай; зулам дергдола чоапилгаш, лазараш летадий; шелал эттача духьалъотталургйий. Нагахьа санна из хьал тоаде дезаш хуле, цар уж гаьнаш меттаоттаяра болх дӏахьу.
«Маьцхали бетта говзанчаша Магӏалбикера, Наьсарера, Галашкара, Тӏаргимара, Шолжера хьу техкар. Из еррига а яр 475,1 га. Магӏалбика даькъ тӏа 56,1 га я, говзанчаша теркалдир хьун хьал юкъерча боараме хилар. Галашкарча, Тӏаргимарча хьун даькъ тӏара хьал мелдаларга диллача 419 га дӏалоацаш дар», - аьлар «Сердало» газетага Гӏалгӏайчен ӏалама Министерстве. Дӏахо из болх цхьана дӏахьоргба, хьун боахамий говзанчашца бувзам болаш.
Из гӏулакх ма дарра дикагӏа довзара кхелахоша могаду тӏехьара тӏа хьун хьал довзаш болча говзанчашца цхьана тохкам бар.
Цо таро лургья цу гӏулакха тӏеххьара мах оттабе, хьу мелъялара хьал дӏадолалуш дий, экосистема даькъ тӏа хувцамаш дий хьажа дагахьа.
