Къаман Собране спикера дехар ду, Украинерча хьалах лаьца бакъдоацараш ма доаржаде яхаш
Председатель Парламента РИ Магомет Тумгоев обратился с призывом к пользователям интернета не распространять непроверенную информацию о специальной военной операции на территориях Донецкой народной республики, Луганской народной республики и Украины.
Из операци йолаеннача дийнахьа денза, цига дакъа лоацача вай мехкахошца бувзам лоаттабу Мехкдас Келматанаькъан Махьмуд-Iаьлас, кхыбола Iаьдала болхлоша. Боккъала а, шоашта бакъдар ца ховш дола къамаьлаш доаржадеш наьха дегаш ма дохаде, зехьа сагот ма дайта. Диц ма де, цу юкъе вай гаргарбараш, безараш, бовзараш болга!», — аьлар Парламента спикера. Цо белгалдир, Ростоверчеи Белгородерчеи госпиталешка, таханарча дийнахьа, лозабаь, вай I6 кагий нах бадалга.
«Мехкдас хьожаяь, вай мехкара комисси я цига Iойодаш. Цу юкъе ба: Госдума депутат вола Татренаькъан Муслим, правительства кулгалхочун хьалхара гIонча Йовлой Мухьмад, МЧСа кулгалду Татнаькъан Iийса, юртбоахама гIулакха министр Гаьгенаькъан Мухьмад. ТIема доакъашхошта мел эшаш дола, гIо дергда Iаьдало. Тахан бахархоех лечкъадеш, цхьаккха хIама дац», — аьлар Парламента спикера.
Иштта цо хьоахадир, вай къаман кагий нах лакха майрал, денал гойташ духьала латталга. Могаш, маьрша болаш уж цIенах кхетарга хьежаш ба, беррига мохк! Шийна ховш бакъдар доацаш арадоахача къамаьлаша дерригача къаман зе ду! Из кхетадеш хила веза, тахан, вайх хIара вар!
