Бокъо йоацаш хьу тедарах, 500 эзар сомага кхаччалца гӀод тохаргда
РФ Паччахьалкхен Думе керда амар арадаккха лаьрхӀад, бокъонах доацаш хьу тийдачунна беш бола бехк чӀоагӀбеш. Нагахьа санна керда амар арадоалаш хуле, 300 эзар сомагара 500 эзар сомага кхаччалца гӀод тохаргда. Цул совгӀа шозлагӀа а из бокъо телхаяьраш нийслойя, гӀод лакхагӀа хургда, хӀаьта из тедаш лелаяь техника дӀайоаккхаргья.
Республикан даькъ тӀа цу тайпара моттигаш нийслургйоацаш, Ӏалама министерствос даим тӀахьожам лоаттабу. Тайп-тайпарча ханашка, кхыметтел бийсан уж арабоал хьун хьал довзара, из дош массайолча хана тӀахьожаме да цар.
Нагахьа санна депутаташа керда каьхат тӀаэце, зулам деча нахагара чӀоагӀагӀа хьадехаргдолга хьалхадоаккх цу боахамо республикан бахархошта.
«Иштта бехктокхаме озаргба ГЛОНАСС яха система шоай машин тӀа цалаттараш: хьалхарча аргӀагӀа гӀод тохаргда, шозлагӀа- хьайоккхаргья», - аьлар ГӀалгӀай Республикан Ӏалама министерстве.
