Из хетаяь яр энергетика денна. Дика болх барах, бехктокхаме ший балха тӀа хиларах, ше хержача профессена тешаме хиларах; «Ингушэнерго» филиала кулгалхочун заместитела БӀарахой Рашида цу боахама 30 говзанча цар къахьегачара, мехкара, корпорацера совгӀаташ делар.

Цу юкъе яр «Россети» ПАО, «ЭРА России ассоциаце» электроэнергетикий цхьанкхетара кулгалхой, моттигерча паччахьалкхен, «Къилбаседа Кавказа россетей» ПАО, «Ингушэнерго» филиала Сийлен грамоташ.

ДикагӀа бола болхлой белгалбеш, кертте оттадеш хиннар дар цар профессиональни балха толамаш лакха хилар, эггара чоалханегӀа дола декхараш кхоачашдара уж кийча хилар. «Баркал шоана, оаш беча балхах, хӀаранена.

Даьла денна оаш дӀахьош болча балха лоархӀамегӀа дола хӀамаш юкъеда таро хул вай: технически база кердайоаккхаш, керда низ юкъебоаккхаш, электросетей низ вӀашагӀтохаш, нахага доаллаш дола ахча хьадалара хьал лакхдеш.

Атта дац, бакъда оаш тӀехьают уж халонаш, кхы чӀоагӀагӀа хулаш а дикагӀа кхеташ а шу хиларах. ДӀахо а, кога тӀехьа ког боаккхаш, вай тоабергба болх, республикан бахархой фусамашка йӀовхал а сердал а хулийташ», - аьлар БӀарахой Рашида.