ЯлхлагӀа ишкол хьаелларгья Эккажкъонгий-Юрта
28.08.2023 09:29
ХьатӀабоагӀача бетта хьалхарча дийнахьа, дешархой тӀаэцаш, ший наӀараш хьелларгья Эккажкъонгий-Юртарча № 6 йолча ишколо. Юртарча культуран цӀагӀа цу денга кийчлуш да цигара бераш.
«Культуран цӀен юхе ишкол хьаеллар доккха совгӀат хинна тӀаийцар бахархоша. ВӀаший гӀо деш, дӀахьоргба цар шоай болх. Шинна моттигерча кулгалхоша кхетаче яьй, шоай балхаца дувзаденнараш дувцаш.
ВӀаший гӀо деш, бувзам лоаттабеш болх дӀабахьа чӀоагӀо яьй цар», — йоах тхогарча хоамо.
720 бера деша таро хургья кердача ишколе. Таханарча хано дӀадеххача тайпара тоаяьча, кхозза вӀаштӀара яьча ишколе берашта мел эшар хоза Ӏалашдаь латт.
