ГӀалгӀай къаман
юкъара газет

Кердадараш

ГӀалгӀайчен 750 хьун даькъ тӀа, уж тоадеш дола балхаш дӀахьоргда

ГӀалгӀайчен хьунашка 2024 шера санитарно-унахцӀенон балхаш дӀахьоргда, 750 хьун даькъ тӀара хьал тохкаш, яхаш, дийцар «Сердало» газетага мехка Ӏалам лорадара боахаме.

«Керттера теркам тӀабохийтаргба лазараш хила тарлуш долча хьун даькъошта: машинаш лелача наькъа йистерчарна, юрташта юхерчарна, иштта вахара гӀишлошта уллуврчарна. Белгалдаккха деза, дӀадахача шера вай республика, уж балхаш дӀадахьара дола декхар 100% кхоачашдаьча 20 моттига юкъейоагӀаш яр», - аьлар Келаматанаькъан Махьмуд-Ӏаьлас, цу даькъ тӀара керттера декхараш белгал а деш.

ХӀара шера ГӀалгӀайчен хьунашка, говзанчаша шоай ханнахьа хьу тохкаш дола балхаш дӀахьу. Иштта лазар кхетар кхерам болча гаьнашта молхаш тох. Карарча 2024 шера уж тохкаргья 500 гектара тӀа.

Хьу тохкаш бола болх дӀахьоча хана гучадоал, гаьнаша е кӀотаргаша лазар лаьцадий, малагӀа зулам деш йола чоапилгаш е са доалла хӀамаш царех латай; цудухьа ханнахьа из болх дӀабахьа безаш ба, вай хьу, телха йоацаш, дика хилийта безам бале.

Иштта цо таро лу цу даькъ тӀа цӀи ялара дола хьал гучадаккха, цунах хьу лорае. Цул совгӀа, тӀехьагӀа массехк цӀена хьу хьахургйолаш, цхьайола гаьнаш дӀатеда езаш хул, санитарни оагӀорахьа из болх а ший ханнахьа дӀабахьа безаш ба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде