ГӏалгӀай мехка хьалъе йолаергья чӀоагӀа нувхаш чакхйоаха моттиг
07.03.2025 18:39
ГӏалгӀайчен паччахьалкхен вице-премьера Зурабанаькъан Ювсапа дакъа лаьцар, Российски экологически оператора РФ Паччахьалкхен Аппарата викалашца ВКС оалача кепара дӀахьош хиннача кхетаче.
Кхетаче дӀахьош, цо хоам бир деррига каьхаташ кийчдаь хиларах Йоккхача Ачалкхе чӀоагӀа коммунальни нувхаш чакхйоахаш йола дукхача доакъоех латта комплекс хьалъе, аьнна.
ГӏалгӀай Республикан Кулгалхочун, Паччахьалкхен зарбан болх лелабераша яхачох, керда гӀишло нувхаш чакхйоахаш хургья 13% кӀезигагӀа йоацаш, керда доагор хьадар – 26 % кӀезигагӀа доацаш, лаьттах дӀайохка мара пайдана йоацаш, юхакъоастаеш йола нувхаш 41% мара хургьяц.
