ГIалгIай мехка наха хьу меттаоттаяр чакхдаьлар
Карарча шера ГIалгIайче дIахобихьар гонахьара Iалам лорадара болх - чакхбаьлар наха хьу меттаоттаяра болх, цунна чудоагIаш 35 гектара тIа 67 эзар къахььэсте кагий гаьнаш дIаегIар. Цох хоам бир ГIалгIай Республикан Кулгалхочун, Паччахьалкхен зарбан болх лелабераша.
Республикан Iалама министерствос хьал а лоацаш, кхоачашдир хьу меттаоттаяра дола гIулакх. ГIалгIайчен кулгалхочо Келаматанаькъан Махьмуд-Iаьлас белгалдир, экологически хьал тоадара цу гIулакхо лоархIаме дакъа дIалоацаш хилар вайцига а иштта берригача мехка а.
«ГIалгIайчен Iалам - из вай мах баь даргдоаца ганз я, вай бехктокхаме да из лораярах. Из даим дIахьош бола болх ба, хьун таронаш совйоалаш хилийтара», - аьлар ший бувзама оагIонашка Мехкадас.
Цо иштта белгалдир гаьнаш дIайогIар санна лоархIаме долга, цIерах а зулам деш долча дийнатех а уж лораеш хилар, цул совгIа даим хьун хьалаш довзаш хила деза.
