Эпсара дийцар, тахан ГIалгIай Республике гIолла доалахьарча ха тIа латтарий балхах, иштта паччахьалкхен хьалех, герзаца дувзаденнача гIулакхех лаьца а. Иштта ладувхархошта довзийтар центра а районни а отделеней балха хьалаш. Къамаьлдеш, цо белгалдаьккхар, тIеххьарча хана лицензионно-бокъоялара балха хувцамаш хилар.

«Федеральни закона юкъедоаладь хувцамаш, «Герзах», иштта цхьацца йола кхы а законодательни актах, низ чуболаш да, кулг яздаь цхьа шу даьнначул тIехьагIа. Цхьабакъда, цунна цхьацца дола дакъа хьатIадоагIача шера наджгамхой бетта 1-ча денгара денз болх беш хургда", - аьлар полице майора Къоастой ИбрахIима.