Гӏажарий-Юрта «Россе хиш» яха хӀара шерара болам дӀабихьар
«Россе хиш» яхача ерригроссийски боламо вӀашагӀтехар, экологи лораяра деррига де кийча бола ГӏалгӀайчен бахархой, яхаш, дийцар «Сердало» газетага цу моттиге.
Хӏара шера берригача мехка гӀолла, дӀахьу из йоккха кхетаче. Экофестиваль дӀахьоча бар дукха лакхача даржашкара хьакимаш, политикаш, юкъара болх бераш, студенташ. АргӀанара «Россе хиш» яхача болама кертте латтар цӀихеза актриса Михалкова Юля. Хьинар дола из хьалхарчарца йолаелар доазонаш цӀенде.
Российски Федераце Ӏалама тароний, экологе министра гӀончас Корольков Максима белгалдир, Гӏажарий-Юрта белхий бара лерхӀам боккха хилар. Цо яхачох, цар цӀенъю берда йистош, Ӏамарч, хин моттигаш. ГӏалгӀай Республикан Паччахьалкхен Председатела декхараш кхоачашдеш волча Йовлой Мухьмада, республикан Кулгалхочун Келаматанаькъан Махьмуд-Ӏаьлан цӀерагӀа берригаш а дег чура даькъалабийцар. Цо баркал аьлар Корольков Максима, иштта Российски Федераце Ӏалама тароний, экологе еррига Министерствонна, цо из болх дӀахьош эшаш мел долча гӀирсашца новкъостал дарах.
«Сона гу къега бӀаргаш, юхьмараш, гуш да Шоана шоай Ӏалам дезаш хилар, тахан вай берда йистош юха а къаьга хургья», - аьлар Корольков Максима.
