Къаьнарча МагӀалбика кашамашка дукхача тайпай нах боахк дӀабехка. ХӀанз из моттиг йовзаргйоацача яьннай. «Сафмар» яхача дикача гӀулакхий ганзо укхаза дукха болх баьб. Кхо гектар совгӀа долча лаьтта лостам баьб: керда карт хьалъяьй, коанаӀараш егӀай, наькъа такилгаш даьхкад, саг дӀаволлаш ламазаш де моттиг яьй. Укхаза балхаш деш, бахархошца дагабаьннаб, хьаухача наха яхар дӀалаьрхӀад. Цул совгӀа, дӀакӀалвала, Ӏоха йиш йола керда кхоаленаш хьалъяьй. ХӀара тоадеш долча бусалба, кераста наьха кашамашка эшаш дола хьалаш Ӏалашдаьд, цига массаза лостам лоаттабергболаш. Моттигерча бахархоша баркал оал цу ювцача ганза.